YES...við fjölskyldan höfum gengið frá kaupum á íbúð í nýju hverfi í Kópavogi. Rosalega hamingjusöm með þetta allt saman.  Íbúðin er splunkuný, með bílskýli, sérafnot af lóð, geymslu og svo öðru geymsluhúsi sem er fyrir alla í blokkinni.  Þó svo þetta sé ekki nema 3ja hæða hús þá er samt lyfta í húsinu og bílastæðið okkar í geymslunni er alveg við lyftuna, s.s. á besta stað.  Íbúðin verður ekki tilbúin fyrr en 1sta júlí þannig að við bíðum spennt þangað til.

Reyndar fer örugglega mikill tími í allskonar útréttingar fyrir þessi íbúðakaup, fá lán, velja allt í íbúðina s.s. bað og eldhús innréttingar, gólfefni osfrv...en þetta verður örugglega bara skemmtilegt. ;o)

Nú verður fólk bara að taka frá partýhelgi í byrjun júlí....YYYYEEEEEBBBBBOOOOYYYY

Tom

...Nú er x-factor á fullu og verð ég að segja að þegar kemur að meðalmennsku þá falla keppendurnir auðveldlega í þann flokk.  Þvílíkt hvað við íslendingar getum sætt okkur við svona lágkúru...hvað eyða menn miklum peningum í þetta drasl??  Það eru þarna kannski 1-2 keppendur sem mér finnst fínir og það eru Siggi og Joguan (fyrirgefið ef þetta er vitlaust skrifað)

Og hvað er þetta með áhorfendurna? Geta þeir ekki hvatt fólk áfram sem er ekki skylt þeim eða tengist að einhverju leyti....sá áðan að þegar t.d. færeyingurinn lauk söng sínum þá "pössuðu" sumir áhorfendur sig á að klappa EKKI, virkilega lögðu sig fram við að klappa ekki...hvað er það?  Ok ef þeim fannst þetta bara lélegt þá er skiljanlegt að þeir klappi ekki en þetta var ekki út af því, heldur eingöngu vegna þess að þetta var ekki "þeirra" maður!! Asnalegt!!

Nú er ég að horfa á þáttinn um leið og ég skrifa og verð ég að segja að GÍS hópurinn kom mér virkilega á óvart, Íris með mjög kröftuga og góða rödd og aðeins 17 ára... kannski efni þarna á ferð, hver veit??

Ellý er sér kapituli út af fyrir sig, rosalega furðuleg.  Ég á alltaf mjög erfitt með að skilja hvað hún meinar, reyndar held ég að hún viti ekki sjálf hvað hún meinar most of the time...segir eitt í dag og annað á morgun t.d. með því að gagnrýna Ingu fyrir Tinu Turner showið...sagði að hún væri að reyna að stæla Tinu...sem er sérstakt þar sem Ellý var nýbúin að ausa hrósi yfir Alan sem tók nú bara Michael Jackson og klónaði hann....s.s. ekki hægt að taka mikið mark á henni!!

Jæja læt þetta duga í bili um X-Factor....Heyrumst. ;o)

Tom

Jæja ég virðist alltaf vera í sama jólastuðinu (miðað við hvenær ég skrifaði síðast )

Margt að gerast maður, strákarnir okkar í handboltanum eru að meika það bigtime, Margrét Sverrisdóttir að hætta í frjálslynda flokknum, lán í erlendum gjaldmiðlum að verða standard og bubbar þjóðarinnar kaupa Elton John til að spila í afmælisveislum, þvílíka ruglið!!

Það sem er að frétta af mér er svo sem ekki mikið, maður mætir í sína vinnu, æfingarnar og reynir að sinna fjölskyldunni eins og maður getur....Eitthvað að byrja að sprikla aftur í fótbolta en fæturnir eru ekkert sérlega glaðir með það.

Íbúðarkaup verða vonandi á þessu ári enda er "litla" íbúðin okkar farin að þrengja svolítið að.  Hinsvegar er svakalega þægilegt að vera með ókeypis barnapössun og handyman á efri hæðinni ;o) Spurning hvernig maður reiknar það í peningum.

Í kvöld mæta íslendingar dönum  og reikna ég með hörkuleik....spurning um að setjast fyrir framan imbann og senda góðar hugsanir út til strákanna, væri gaman að sjá liðið áfram í undanúrslit.

Þangað til næst, ÁFRAM ÍSLAND

Tom

Jæja nú fyrst er ég að komast í jólastuð.  Konan er með jólamúsikina alveg í botni að strauja föt stráksins, rosa dugleg.  Ég kann ekki að strauja þannig að ég losna við það. hehehe

Ég hef séð það að ef maður gerir hlutina nógu illa heima fyrir þá losnar maður alveg við að gera þá, konan gerir þá bara fyrir mig.......nú verð ég laminn! Æji maður mætti nú vera duglegri að vinna húsverkin, get alveg viðurkennt það.

Við fjölskyldan fórum í Smáralindina í dag og ótrúlegt en satt þá meikaði ég það  bara ágætlega, fullt af fólki og stress en ég virtist alveg þola það.  Kannski er það eitthvað öðruvísi núna þegar maður fer með stráknum, ætli maður gleymi sér ekki að hugsa um hann en ekki skarkalann. 

Fórum svo í mat til afa. Mamma eldaði skötu (ojbaralyktin) en við kjúklingarnir fengum saltfisk. Anna, Ingi, Hjördís, Palli, Maggi,Hjördís,Telma, Regína,Erna,Guðbjörg, Sigríður og Sunna voru þarna og var bara fjör á hól.

Á morgun, aðfangadag, förum við til mömmu í mat. Hvað ætli maður fái í jólagjöf  hmmm....Tómas Pálmar er allavegna orðinn spenntur, búinn að vera mjög góður í fríinu þó hann mætti nú alveg sofa aðeins lengur, frekar erfitt fyrir konuna að vakna svona snemma, því ég bara steinsef eins og sönnum húsbónda sæmir

Annars finnst mér svo skrýtið að hafa ekki ömmu Hjördísi með okkur um jólin, einkennilegt hvað þessi árstími kallar söknuðinn fram.  Hún sagði reglulega við mig að þegar hún færi þá myndi hún fylgjast sérstaklega vel með mér og ef ég hegðaði mér ekki skikkanlega að þá fengi ég tvö bönk á hausinn, þrátt fyrir að ég hef ekki fengið nein höfuðhögg þá veit ég að hún er hjá okkur og fylgist með.

Þangað til næst,
Tommi

Nú vitum við það, þau okkar sem búum á höfuðborgarsvæðinu, að umferðin er hreint út sagt martröð.  Lélegt umferðarskipulag, tillitsleysi og óheyrilega margir vitleysingar/töffarar skapa virkilega leiðinlega og hættulega umferðarmenningu.  Nú hafa hátt í þrjátíu manns látist í umferðinni á þessu ári og árið er ekki liðið.  Þetta gengur ekki svona lengur, það þarf að gera eitthvað í þessu og það strax!

Mér finnst einnig að allsherjar hugarfars breytingu þurfi hjá almenningi og ráðamönnum til að stemma stigu við þessu ófremdar ástandi.  Fyrst þarf að hækka ökuréttinda aldurinn upp í tvítugt.  Fólk undir þessum aldri hefur ekkert með bíl að gera. Flestir sem valda slysum er á þessum aldri, frá 17-20 ára!!! Hvernig væri nú bara að kúpla þessum hópi úr umferðinni?

(smá inngrip: var að líta á mbl.is og viti menn, banaslys á vesturlandsvegi.  Votta þeim sem eiga hlut að máli samúð mína. Skuggalegt hvað þetta eru algengar fréttir!!!)

Mér finnst að það þurfi að herða eftirlit á götum borgarinnar og láta refsingarnar virkilega svíða þann sem brýtur af sér.  Fólk á ekki að líta á ökuréttindin sem einhver mannréttindi heldur forréttindi.  Manneskja sem keyrir á 140km hraða eða meira hefur fyrirgert rétti sínum til að keyra bíl fyrir lífstíð, mitt mat.  Mér finnst hreinlega að það megi alveg kæra fólk fyrir manndrápstilraun þegar það keyrir á ofsahraða.  En því miður þá er þetta bara réttarkerfið hér á landi, menn bara viðurkenna brot sitt, fá slap on the wrist og er síðan hleypt út í umferðina aftur.

Mun pottþétt koma með meira um umferðarómenninguna hér á landi í náinni framtíð en læt þetta duga núna...Kveðja, Tom

...Manchester United vs Benfica... Úff nú verða mínir menn að spýta í lófana!!!

Eins og snillingurinn sagði: " Ef við skorum einu marki meira en andstæðingurinn þá vinnum við þetta örugglega" Bíddu var hann ekki viss? Þetta er svona svipað og fyrirsögnin í DV (því sorpriti) "Þarf blóð til að lifa" uhhh var þetta eitthvað sem menn vissu ekki fyrir, lásu læknarnir margar bækur til að átta sig á því? Nei þetta er nú kannski ekki til að gera grín að en fyrirsögnin var bara svona heimskulega orðuð!! Sorry.

En já kvöldið í kvöld verður bara helgað þessum leik og vonandi fyrir familien vinnur ManU annars verð ég grumpy old man.

Áfram ManU

Hellú

Rosalega get ég orðið pirraður á svona kvenréttindaþvaðri. Ekki misskilja mig, ég er ekki á móti jafnrétti kvenna og karla en stundum finnst mér eins og konur séu ekki að biðja um jafnrétti heldur sérréttindi út á það eitt að þær eru konur. Sem dæmi: Núna í prófkjörum stjórnmálaflokkana hefur ánægja/óánægja kvenna í framboði nánast eingöngu verið bundin við það hversu margar konur í flokknum skipa efstu sætin. Eins og það skipti máli hvort það eru tvær, fjórar eða sex konur í 10 efstu sætunum. Ættu þær ekki að vera sáttar með það að hæfustu einstaklingarnir séu í fararbroddi, hvort sem það eru karlar eða konur í meirihluta?

Hvenær fór það að skipta máli hvers kyns þú ert? Af hverju er það ekki hæfni einstaklingsins sem er metin en ekki hvort einstaklingurinn pissi standandi eða sitjandi? Af hverju þarf þetta að vera 50/50% hlutfall karla og kvenna til að geta gengið....og svona slogan "konur, kjósið konur" hvernig þjónar það hagsmunum almennings að fá óhæft fólk, sama hvort það er karl eða kona, kosið einungis til að fylla ákveðinn kvóta?

Ég ber virðingu fyrir einstaklingnum sem slíkum, spái ekki í það af hvaða kyni einstaklingurinn er.
Bara svona að gamni þá eru mestu hetjurnar, í mínu lífi, móðir mín og amma Hjördís heitin. Þær hafa upplifað mikla erfiðleika í lífinu en alltaf borið höfuðið hátt og sett þannig fordæmi fyrir mig til að fara eftir, þær eru mínar fyrirmyndir og jú þær eru KONUR.

Tommi

Jæja, byrjaður að blogga. Aðeins að fikta mig áfram á síðunni fyrst og svo byrjar maður að skrifa.

Sælar